நபிகளார்

     தலைப்பு 3  நபி (ஸல்) வரலாறு : ஈருலகில் வெற்றி பெற நபி பற்றிய அறிவு அவசியமாகும். ஒவ்வொரு நாளும் உலகில் நடக்கும் பல செய்திகளையும், பல நபர்கள் பற்றியும் அறிந்திருக்கிறோம். அவை அனைத்தையும் விட நபி (ஸல்)  பற்றி அறிவது மிக அவசியமானதாகும் . காரணம்  மண்ணறையில்  நமக்குக் கேட்கப்படும் கேள்விகளில் ஒன்று, “உனது நபி யார்?” என்பதாகும். நபியைப் பற்றி நன்கு அறிந்து வைத்திருப்பதன் மூலமே மண்ணறையில் வெற்றி பெற முடியும் என்பதில் சந்தேகமில்லை . எனவே நபியைப் பற்றிய சில தகவல்களை கூறுவதன் மூலம்  முதலில் நானும், பின்னர் மற்றவர்களும் பயனடைவார்கள்  என்று எண்ணி “நபிவரவாறு ” என்ற தலைப்பைத் தேர்ந்தெடுத்தேன்.

மேலும் இதில் கூறப்படும் விளக்கங்களை அறிஞர்களின் நூல்களில் இருந்து எடுத்து அந்த நூல்களின் பெயர்களையும் குறிப்பிட்டுள்ளேன்.

இதற்கு இரண்டு காரணங்கள் . 

1 இதில் இடம் பெறும் அனைத்தும் இஸ்லாமிய மார்க்கம் சார்ந்தவைகள் இதில் நமது சுயகருத்துக்களோ, முறையாக மார்க்கக் கல்வியை அறியாதர்களின் கருத்துக்களோ இடம்பெற்றுவிடக்கூடாது.

2 இதை பார்வையிடும் அறிர்கள் ஏதேனும்  தவறுகளைக் கண்டு சுட்டிக் காண்பிக்கும் சமயம் அதைத் திருத்தம் செய்ய எனக்கு இலகுவாக இருக்கும்.

உயர்ந்தோன் அல்லாஹ், நமக்கு நபிகளார் மூலம் அளித்த மார்க்கத்தையும் அவர்களின் வாழ்கையயும் நன்கு அறிந்து அவர்களை பின்பற்றி, அவனது நெருக்கத்தை அடைய உதவி செய்வானாக!