ஹதீஸ் பாடம் 3

பிறர் நலன் நாடுதல்

وَعَنْهُ قَالَ: قَالَ رَسُولُ اللهِ صلّى الله عليه وسلّم: (مَنْ نَفَّسَ عَنْ مُؤْمِنٍ كُرْبَةً مِنْ كُرَبِ الدُّنْيَا، نَفَّسَ اللهُ عَنْهُ كُرْبَةً مِنْ كُرَبِ يَوْمِ الْقِيَامَةِ. وَمَنْ يَسَّرَ عَلَى مُعْسِرٍ، يَسَّرَ اللهُ عَلَيْهِ فِي الدُّنْيَا وَالآخِرَةِ. وَمَنْ سَتَرَ مُسْلِماً، سَتَرَهُ اللهُ فِي الدُّنْيَا وَالآخِرَةِ. وَاللهُ فِي عَوْنِ الْعَبْدِ مَا كَانَ الْعَبْدُ فِي عَوْنِ أَخِيهِ. وَمَنْ سَلَكَ طَرِيقاً يَلْتَمِسُ فِيهِ عِلْماً، سَهَّلَ اللهُ لَهُ بِهِ طَرِيقاً إِلَى الْجَنَّةِ. وَمَا اجْتَمَعَ قَوْمٌ فِي بَيْتٍ مِنْ بُيُوتِ اللهِ، يَتْلُونَ كِتَابَ اللهِ، وَيَتَدَارَسُونَهُ بَيْنَهُمْ، إِلاَّ نَزَلَتْ عَلَيْهِمُ السَّكِينَةُ، وَغَشِيَتْهُمُ الرَّحْمَةُ، وَحَفَّتْهُمُ الْمَلاَئِكَةُ، وَذَكَرَهمُ اللهُ فِيمَنْ عِنْدَهُ. وَمَنْ بَطَّأَ بِهِ عَمَلُهُ، لَمْ يُسْرِعْ بِهِ نَسَبُهُ) 

அபூஹுரைரா (ரலி) அவர்கள் அறிவிக்கிறார்கள்அல்லாஹ்வின் தூதர் (ஸல்) அவர்கள் கூறினார்கள்
யார் இம்மையில் ஓர் இறைநம்பிக்கையாளரின் துன்பங்களில் ஒன்றை அகற்றுகிறாரோ அவருடைய மறுமைத் துன்பங்களில் ஒன்றை அல்லாஹ் அகற்றுகிறான் 2 யார் சிரமப்படுவோருக்கு உதவி செய்கிறாரோ அவருக்கு அல்லாஹ் இம்மையிலும் மறுமையிலும் உதவி செய்கிறான் 3 யார் ஒரு முஸ்லிமின் குறைகளை மறைக்கிறாரோ அவருடைய குறைகளை அல்லாஹ் இம்மையிலும் மறுமையிலும் மறைக்கிறான். 4 அடியான் தன் சகோதரன் ஒருவனுக்கு உதவி செய்துகொண்டிருக்கும்வரை அந்த அடியானுக்கு அல்லாஹ் உதவி செய்துகொண்டிருக்கிறான். 5யார் கல்வியைத் தேடி ஒரு பாதையில் நடக்கிறாரோ அவருக்கு அதன் மூலம் சொர்க்கத்திற்குச் செல்லும் பாதையை அல்லாஹ் எளிதாக்குகிறான். 6 மக்கள் இறையில்லங்களில் ஒன்றில் ஒன்றுகூடி அல்லாஹ்வின் வேதத்தை ஓதிக்கொண்டும் அதை ஒருவருக்கொருவர் படித்துக்கொடுத்துக் கொண்டும் இருந்தால் அவர்கள் மீது அமைதி இறங்குகிறது அவர்களை இறையருள் போர்த்திக்கொள்கிறது அவர்களை வானவர்கள் சூழ்ந்துகொள்கின்றனர்  மேலும் இறைவன்  அவர்களைக் குறித்துத் தம்மிடம் இருப்போரிடம்  நினைவுகூருகிறா் 7 அறச் செயல்களில் பின்தங்கிவிட்ட ஒருவரைக் குலச்சிறப்பு முன்னுக்குக் கொண்டு வந்துவிடுவதில்லை  (முஸ்லிம் 2699)

இந்த நபி மொழியில்௳ நபியவர்கள் ஏழு வகையான செய்திகளை கூறியுள்ளார்கள்

ஒருவரின் செயலுக்கு ஏற்ற கூலி கொடுக்கப்படுகிறது என்பதை விளங்கிக் கொள்ள முடிகிறது எனினும் அதன் கூலியோ செயலை விட பன் மடங்கு பெரிதானது உலகில் ஒவ்வொரு மனிதனுக்கும் பலவிதமான சிரமங்களின் போது  தேவைகள் ஏற்படுகின்றன அதற்கு ஒருவர் உதவி செய்யும் பொழுது நாளை மறுமை நாளில் எவரது செல்வமோ பிள்ளைகளோ பயனளிக்க முடியாத  பயங்கரமான  அந்த நாளில்  இவர் உலகில் செய்த இந்த சிறிய உதவியினால் அவரது பெரும் சிரமத்தை அல்லாஹ் நீக்கி விடுகிறான் 

முதலாவதாக கூறப்பட்டுள்ளது கடும் சிரமத்தை அகற்றினால் என்ற வாசகம் உதாரணமாக ஒருவர் உண்பதற்கு உணவில்லாமல் இருக்கிறார் நோயில் அவதிப்படுகிறார் அல்லது சிறைபிடிக்கப்படுகிறார் அல்லது வட்டி கடனில் சிக்கித் தவிக்கிறார் இது போன்ற  சிரமத்தில் சிக்குண்டவருடைய சிரமத்தை முழுவதுமாக ஒருவர் அகற்றி விட்டால் மறுமையின் பெரும் சிரமத்தை அல்லாஹ் அகற்றி விடுவான் என்பது இங்கு கூறப்பட்டுள்ளது

இரண்டாவது வாசகம்  சிரமத்தில் இருப்பவரின் சிரமத்தை எளிதாக்கினால் அல்லாஹ் அவருக்கு இம்மையிலும் மறுமையிலும் எளிதாக்கி கொடுப்பான் இதில் கூறப்பட்டுள்ள சிரமம் என்பதற்கு அறிஞர்கள் கூறும் பொழுது இவரின் அடிப்படை தேவையை விடவும் மற்ற காரியங்களில் உள்ள சிரமத்தை எளிதாக்குதல் உதாரணமாக ஒருவர் மற்றவருடன் செய்த கொடுக்கல் வாங்கலில் சிரமம் ஏற்படும் சமயம் நம்மிடம் உதவி கேட்டால் சிரமத்தை எளிதாக்கி வைத்தல் அதேபோன்று நம்மிடம் கடன் பெற்றதை கவனி வந்த சமயம் அவரிடம் தவணையை அதிகமாக்கி கொடுத்தல் நீட்டிப்பு செய்தல் நம்மிடம் ஏதேனும் ஒரு பொருளை இரவலாக பெற்று அதை தொலைத்து விட்டால் அதை நாம் வாங்காமல் விட்டு விடுவது

மூன்றாவது வாசகம்  இறை நம்பிக்கையாளரின் குறையை மறைத்தால்  இம்மை மறுமையில் அவரின் குறையை அல்லாஹ் அவரை மறைக்கிறான் இந்த வாசகத்திற்கு இறந்து விதமான விளக்கங்கள் அறிஞர்கள் கூறுகிறார்கள் 1  ஒருவர் தனக்கோ தனது குடும்பத்தாருக்கோ அணிவதற்கு போதுமான ஆடை இல்லாதவருக்கு அவரது மானத்தை மறைத்தால் அவர் இந்த சிறப்பை இம்மையிலும் மறுமையிலும் பெற்றுக் கொள்வார் என்பதாகும் 2  மறைத்தல் என்பது ஒரு மனிதனிடம் ஏற்படக்கூடிய பாவங்கள் தவறுகள் அனைத்தையும் எடுத்துக் கொள்ளும் எனினும் அந்த நபர்களை கவனித்து மறைத்தல்  மாறுபடும் ஒருவர் ஒரு பாவத்தை செய்து மனம் வருந்தி அதை மற்றவர் பார்த்தும் பார்க்காததை போல் நடந்து கொண்டவருக்கு இந்த சிறப்பு கிடைக்கும் அதே போன்று ஒருவருக்கு ஏதேனும் ஒரு குறை ஏற்பட்டு அதை நினைத்து வெட்கப்படுகிறார் அதை மற்றவர் பார்த்து அந்த குறையை மறைத்தால் அவருக்கும் இந்த சிறப்பு கிடைக்கும் அதே சமயம் ஒருவர் பாவம் செய்து அதை பகிரங்கப்படுத்தக் கூடியவர் இவரை பொறுத்தவரை அவர் செய்த பாவத்தை மற்றவரிடம் வெளிப்படுத்தினால்தான் தான் செய்த தவறை விடுவார் என்ற பட்சத்தில் அதை பகிரங்கப்படுத்துவது சிறந்தது

இந்த நபி மொழியில் 4  வாசகம் ஒரு அடியான் மற்றவருக்கு உதவி செய்து கொண்டிருக்கும் காலமெல்லாம் அல்லாஹ் இவரின் உதவியில் இருக்கிறான் இங்கு ஒருவர்  தனது  உள்ளத்தால் உடலால் பொருளால் இன்னும் பல முறைகளில் மற்றவரின்  உதவியில் ஈடுபடும் பொழுது இவருக்கு அல்லாஹ் உதவி செய்கிறான்  எனவே ஒருவர் மற்றவருக்கு உதவி செய்வதற்கு உறுதிக் கொண்டால் அதை துரிதமான முறையில் நிறைவேற்றுவதற்கு முயற்சிக்க வேண்டும் ஹசன் அவர்கள் ஸாஃபித் பன்னானி எனபவர்களை  ஒருவரின் உதவிக்காக செல்லும்படி   கூறிய பொழுது தான் இஃதிகாஃபில்  இருப்பதாக கூறினார் அதற்கு ஹசன் ஸாஃபித்திடம்  ஒரு முஸ்லிமான சகோதரரின் தேவைக்காக செல்வது  ஒரு ஹஜ் செய்த பிறகு மற்றொரு ஹஜ்ஜின்  நன்மயை விடவும் சிறப்பானதாகும்  என்பதை  ஞாபகம் மூட்டினார்கள் (தலீலுல் ஃபாலிஹீன் )

இந்த நபி மொழியில் 5 வாக்கியம் கல்வி கற்பவருக்கு  சொர்க்கத்தின் பாதையை எளிதாக்குகிறான் இதில் கல்வியின் பாதை என்பது மார்க்கக் கல்வியான குர்ஆன், ஹதீஸ், மார்க்க சட்டங்களை  அடைவதற்காக ஒருவர் நடந்து செல்கிறார் அல்லது இருந்த இடத்தில் படிப்பதின் மூலமாக விளங்குவதின் மூலமாக மனனமிடுவதன் மூலம் மற்றவர்களோடு கலந்துரவாடுவதன் மூலமும் இந்த சிறப்பை அவர் அடைந்து கொள்ள முடியும் 

மேற்கு கூறப்பட்ட மற்ற வாக்கியங்களை காட்டிலும் இதில் சொர்க்கத்தின் பாதையை எளிதாக்குகிறது என்பதன் காரணம் ஒருவர் எல்லாவித நலவுகளையும் மார்க்க கல்வியை கற்பதன்  மூலமே  மட்டுமே அதை நடைமுறைப்படுத்த முடியும் எனவே தான் சுவனம் செல்ல கல்வியை முக்கியத்துவமாக சொல்லப்பட்டுள்ளது 

6ஆக சொல்லப்பட்ட இந்த வாசகம் மார்க்க கல்விக்காக 1  கூடுபவர்களை பற்றி நான்கு சிறப்புகள் கூறப்பட்டுள்ளன ஒன்று அமைதி நிலவுகிறது 2  அல்லாஹ்வின் அருள் அவர்களை சூழ்ந்து கொள்கின்றது 3 வானவர்கள் அவர்களின் சபைக்கு வருகிறார்கள் 4 இந்த கூட்டத்தினரை பற்றி அல்லாஹ் தன்னிடம் இருக்கும் வானவர்களிடம் இவர்களைப் புகழ்ந்து பேசுகிறான்
இதில் கல்விக்காக ஒருவர் பள்ளியில் கூடினாலும் வீட்டிலோ மற்ற இடத்திலோ ஒன்று சேர்ந்தாலும் இந்த சிறப்பு கிடைக்கும் என்பதாகும்.

ஒரு கூட்டம் மார்க்கக் கல்வியை கற்பதற்காக எந்த   இடத்தில் (பள்ளியிலோ வீடுகளிலோ பொது இடத்திலோ) ஒன்று கூடினாலும்    இந்த சிறப்பை அடைந்து கொள்வார்கள்

இந்த நபிமொழியின் 7  வாசகம் நற்காரியங்களில் பின்தங்கிய வரை குலச்சிறப்பு மட்டும் பயனளிக்காது  அதாவது ஒருவர் தனது வாழ்வில் அல்லாஹு மற்றும் தூதரின் கட்டளைகளை எடுத்து நடந்தால்  மட்டுமே அவர் அல்லாஹ்வின் பார்வையில் உயர்வானவராக சிறப்பு மிக்கவராக கருதப்படுவார் அவர் எந்த குலம் கோத்திரத்தில் இருந்தாலும் சரிதான் அதே சமயம் ஒருவர் உயர்ந்த குடும்பத்தில் பிறந்து தனது வாழ்வில் எந்த நற்காரியமும் செய்யவில்லை என்றால் அவரது குடும்பச் சிறப்பை இவருக்கு எந்த பயனையும் தராது எனவே தான் நபிகளாரின் குடும்பத்தில் உள்ள பலரை இணைவைப்பாளர்களாக இருந்தமையால் நபியவர்கள்அவர்களை  தனது நேசத்திற்குரியவர்கள் இல்லை என்றும் கூறுகிறார்கள்  (ஹதிய்யா ஷரஹ் ரியாலுஸ்ஸாலிஹீன்)

எனவே நாம் நம்மால் முடிந்தவரை பிறரின் சிரமங்களை அகற்றுவதில் கவனம் செலுத்துவோமாக

0Shares